അന്ത്യ പ്രവാചകനായ മുഹമ്മദ്‌ നബി (സ ) അന്തിമ വേദ ഗ്രന്ഥമായ വിശുദ്ധ ഖുര്‍ആന്‍ മുഖേന വളര്‍ത്തിയെടുത്ത മാതൃകാ മുസ്ലിം ഉമ്മത്ത്തില്‍ ,പ്രവാചകന് (സ ) ശേഷം ഭിന്നിപ്പിന്റെ സ്വരം ആദ്യമായി കേള്‍ക്കുന്നത് അധികാരത്തിന്റെയും രാഷ്ട്രീയത്തിന്റെയും പേരിലാണ് .സൈദ്ധാന്തികമായും പ്രായോഗികമായും പ്രശ്നങ്ങള്‍ ഉത്ഭവിക്കുന്നത് രാഷ്ട്രീയമായ വൈരനിര്യാതനത്തിലൂടെയാണ് .സയ്യിദ്‌ മൌദൂദി ഈ ആശയത്തിനു ഇസ്ലാമിന്റെ സമഗ്ര പ്രബോധനം എന്ന പരിവേഷം ചാര്‍ത്തുകയും ഈ ആശയ പ്രചാരണത്തിനായി ' ജമാഅത്തെ ഇസ്ലാമി ' എന്ന സംഘടന രൂപീകരിക്കുകയും ചെയ്തു
അതിന്റെ സ്വാഭാവിക പ്രതികരണമായിട്ടാണ് ദൈവത്തിന്റെ ഭൂമിയില്‍ ദൈവത്തിന്റെ അധികാരം എന്ന മുദ്രാവാക്യവുമായി ' ഇനില്‍ഹുക്മു ഇല്ലാലില്ലാഹി ' എന്ന ഖുര്‍ആന്‍ വചനം ദുര്‍വ്യാഖ്യാനം ചെയ്തു കൊണ്ട് ചിലര്‍ രംഗത്ത് വരുന്നത് .ഭരണ പരമായ കാര്യങ്ങള്‍ക്ക് ആവശ്യത്തിലേറെ പ്രാധാന്യം കല്‍പ്പിച്ചു കൊണ്ട് ഇസ്ലാമിക പ്രബോധന പ്രവര്ത്തനത്തിന്റെ മുന്‍ഗണനാക്രമം കീഴ്മേല്‍ മറിച്ചു കൊണ്ട് പില്‍കാലത്ത് രംഗത്ത് വന്നത് സയ്യിദ്‌ മൌദൂദി ആണ് .അദ്ദേഹം ഭരണസംസ്ഥാപനം തൌഹീദിന്റെ സ്ഥാനത് അവരോധിക്കുകയും മൌലികമായ കാര്യങ്ങളെ ശാഖാപരമായി കാണുകയും ചെയ്തു .ഭരണമില്ലാത്ത ദീന്‍ ഭൂമിയില്‍ സ്ഥാപിക്കപ്പെടാത്ത സന്കല്പ വീട് പോലെയാണെന്ന് അദ്ദേഹം സിദ്ധാന്തിച്ചു .
ദീന്‍, ഇലാഹ് ,റബ്ബ്,ഇബാദത്ത് തുടങ്ങിയ ഇസ്ലാമിലെ സാങ്കേതിക പ്രയോഗങ്ങള്‍ക്കു നൂതനമായ അര്‍ത്ഥ കല്‍പ്പന നല്കുകയും ലളിതമായ ഇസ്ലാമിക സിദ്ധാന്തങ്ങളെ സങ്കീര്‍ണ്ണമായി അവതരിപ്പിക്കുകയും ചെയ്തു .കാപ്പിറ്റലിസതിനും സോഷ്യലിസത്തിനും മദ്ധ്യേയുള്ള പ്രത്യയശാസ്ത്രമാണ് ഇസ്ലാം എന്ന ആശയം പുതുമയും പുരോഗമനവുമായി ചിലരെങ്കിലും തെറ്റിദ്ധരിച്ചു .
ഇസ്ലാമിക നവോത്ഥാന യത്നങ്ങള്‍ ലോകത്തിന്റെ മറ്റു ഭാഗങ്ങളില്‍ നിന്നും ഒട്ടും വ്യസ്ത്യസ്തമല്ലാത്ത രീതിയില്‍ മലയാളക്കരയിലും വ്യാപകമായി നടന്നു .ഇസ്ലാമിക രംഗത്ത് അത് നവോന്മേഷം പകര്‍ന്നു .ദീനി രംഗത്ത് ഉയിരും ഊര്‍ജ്ജവും നല്‍കിയ ഇസ്ലാഹീ പ്രവര്ത്തനത്തിന്റെ ഫലമായി കേരളത്തിലെ മുസ്ലിം സമൂഹത്തിന്റെ മുഖശ്ചായ തന്നെ മാറി .അനുകൂലമായ ഈ സാഹചര്യത്തില്‍ സയ്യിദ്‌ മൌദൂദിയുടെ ആശയങ്ങള്‍ പ്രബുദ്ധ കേരളത്തിലും പ്രചരിപ്പിക്കപ്പെട്ടു .
ഇസ്ലാം, ഭരണം ,രാഷ്ട്രം ,ജനാധിപത്യം ,മതേതരത്വം തുടങ്ങിയ കാര്യങ്ങളില്‍ ചില ആളുകള്‍ക്കിടയില്‍ വസ് വാസുകള്‍ ഉണ്ടാക്കാന്‍ കഴിയുന്നതിലപ്പുരം ഒരു ഉപകാരവും സമൂഹത്തിനു ചെയ്യാന്‍ അവര്‍ക്ക് കഴിഞ്ഞില്ല . താത്വികമായും പ്രായോഗികമായും മറ്റു മുസ്ലിംകളില്‍ നിന്ന് വ്യത്യസ്തമായി ചെറു വിരലനക്കാന്‍ പോലും സാധിച്ചിട്ടില്ലാത്ത ഈ 'മതരാഷ്ട്ര വാദക്കാര്‍' ആശയ ദാരിദ്ര്യത്താല്‍ ഉഴലുകയാണ് .ഇസ്ലാഹീ പ്രസ്ഥാനത്തിനു നേരെ നിഴല്‍ യുദ്ധം ചെയ്യാനാണ് അവരുടെ പിന്നീടുള്ള ശ്രമം .
അത്തരം വാദങ്ങള്‍ക്ക് മറുപടി ഈ ബ്ലോഗില്‍ വായിക്കാം .
