ഇസ്‌ലാഹി പ്രസ്ഥാനം

ഈ ബ്ലോഗ്‌ 2009 july മാസത്തില്‍ തുടങ്ങിയതാണ് .അന്ന് മലയാളത്തില്‍ ബ്ലോഗ്‌ സാധ്യമാണെന്ന് അറിയില്ലായിരുന്നു . മുജാഹിദ്‌ പ്രസ്ഥാനത്തില്‍ പിളര്പ്പുണ്ടാക്കിയവരുടെ കൂടെ 2000-2001 കാലഘട്ടത്തില്‍ ഒരുമിച്ചു പ്രവര്‍ത്തിക്കുകയും ,പിന്നീട് സത്യാവസ്ഥ മനസ്സിലാകി അവര്‍ക്കെതിരില്‍ പ്രവര്‍ത്തനം തുടങ്ങുകയും ചെയ്തു . അവരില്‍ നിന്നും ലഭിച്ച ഫോട്ടോ കോപ്പികളും ,സത്യാവസ്ഥ വിശദീകരിക്കുന്ന ഫോട്ടോ കോപ്പികളും ഇന്റര്‍നെറ്റ്‌ വഴി പ്രസിദ്ധീകരിക്കുവാനുള്ള ശ്രമത്തിന്റെ ഭാഗമായിരുന്നു ഇത് . എന്നാല്‍ ഇപ്പോള്‍ അതൊന്നും വേണ്ടാത്ത വിധം കാര്യങ്ങള്‍ ഏവരും മനസ്സിലാക്കിയിരിക്കുന്നു . (ഫോട്ടോ കോപ്പികള്‍ ഇപ്പോഴും കൈവശം തന്നെ ഉണ്ട് )

നീട്ടുന്നില്ല , യുക്തി വാദികളുടെ ബ്ലോഗുകളില്‍ ചിലവയിലോക്കെ കമന്റ്‌ ചെയ്യാറുണ്ട് .യുക്തി വാദികളുടെ വിമര്‍ശനങ്ങള്‍ക്ക് മറുപടി പറയുന്നത് അധികവും ജമാഅത്തെ ഇസ്ലാമി ആദര്ഷക്കാരാണ് ബ്ലോഗ്‌ ലോകത്ത് . ഇവരുടെ ഉദ്ദ്യേശ ശുദ്ധി ചോദ്യം ചെയ്യുന്നില്ല .മറിച്ചു മുസ്ലിം സമുദായത്തെ നവോട്താനത്തില്‍ നിന്നും പിന്നോട്ട് വലിച്ചതില്‍ ജമാഅത്തെ ഇസ്ലാമി മുന്‍ കാലങ്ങളില്‍ പിന്തുടര്‍ന്ന അബദ്ധ വാദങ്ങള്‍ക്കും ചെറുതല്ലാത്ത പങ്കുണ്ട് എന്ന് ഉദാഹരണങ്ങളും , തെളിവുകളും സഹിതം ഓര്‍മ്മപ്പെടുത്തുകയാണ് ഈ പുതിയ തുടക്കത്തിന്റെ ലക്‌ഷ്യം .

ഈ ബ്ലോഗ്‌ സജീവമായി കൊണ്ട് പോകുവാന്‍ എനിക്ക് സമയ പരിമിതിയുണ്ട് . ഞാന്‍ എന്റെ സ്ഥാപനത്തില്‍ ഇരുന്നാണ് ഇത് ടൈപ്പ് ചെയ്യുന്നത് . എന്റെ ഉപഭോക്താക്കളെ ഏതു സമയവും പരിഗണിക്കേണ്ടതുണ്ട് എന്നതിനാല്‍ ഏകാഗ്രതയുടെ പ്രശ്നം വേറെ . എങ്കിലും പുറം ചൊറിയലുകാരനല്ല എന്നും , ,മുസ്ലിം സമുദായത്തിന്റെ കേരളത്തിലെ ഇന്ന് കാണുന്ന പുരോഗതിയുടെ പിതൃത്വം ഏറ്റെടുക്കുവാന്‍ മറ്റൊരു സംഘടനക്കും അവകാശമില്ലെന്നും ബോധ്യപ്പെട്തുവാനും ഈ ബ്ലോഗിലൂടെ ശ്രമിക്കുന്നു .